ಇವತ್ತು ನಮ್ಮ ಭಾರತೀಯ ಹಣದ ಮೌಲ್ಯ ಡಾಲರ್ ಮುಂದೆ ಇಷ್ಟಿದೆ, ಅಷ್ಟಿದೆ.
ಎಂದು ನಾವು ಈಗಲ್ಲ ಬಹಳ ವರ್ಷದಿಂದ ಕೇಳುತ್ತಲೇ ಬರುತ್ತಿದ್ದೇವೆ. ಭಾರತದ ಹಣದ ಮೌಲ್ಯದ ಮುಂದೆ ಬಹಳಷ್ಟು ರಾಷ್ಟ್ರಗಳ ಹಣದ ಮೌಲ್ಯ ಹಿಂದಿನಿಂದಲೂ ಹಿಂದೆಯೇ ಉಳಿದಿದೆ, ಅದ್ಯಾವುದು ಸುದ್ದಿಯಾಗುವುದಿಲ್ಲ. ಬರೀ ಡಾಲರ್ ಮುಂದೆ ನಮ್ಮ ಹಣದ ಮೌಲ್ಯ ಕುಸಿತ ಕಂಡ ಕೂಡಲೇ ಸುದ್ದಿಯಾಗುತ್ತೆ. ಯಾವುದೇ ಸರ್ಕಾರವಿರಲಿ, ಅಲ್ಲೊಂದು ಪರವಿರೋಧದ ಚರ್ಚೆ ನಡೆಯುತ್ತೆ. ಇಷ್ಟಕ್ಕೂ ನಾವು ಎಂದಾದರೂ ಯಾಕೆ ನಮ್ಮ ಹಣದೊಂದಿಗೆ ಡಾಲರ್ ನ ಬೆಲೆಯನ್ನು ಗುಣಿಸಿ ನೋಡುತ್ತೇವೆ ಎನ್ನುವುದನ್ನು ಯೋಚಿಸಿದ್ದೀವಾ? ಹಲವರಿಗೆ ಯಾಕೆ ಎಂದು ತಿಳಿದಿರುತ್ತದೆ. ತಿಳಿಯದೆ ಇರುವ ಕೆಲವರಿಗಾಗಿ ಈ ಬರಹ. ಇದು ಖಂಡಿತ ನಮ್ಮ ರಾಷ್ಟ್ರ ರಾಜಕೀಯದ ಕುರಿತಾದದ್ದಲ್ಲ. ಇದು ಅಂತಾರಾಷ್ಟ್ರೀಯ ರಾಜಕೀಯ ಮತ್ತು ಕುತಂತ್ರದ ಕುರಿತಾದ ಒಂದು ಕಿರುನೋಟವಷ್ಟೇ.
ಎರಡನೆಯ ಮಹಾ ಯುದ್ಧದ ಬಳಿಕ ಅಮೇರಿಕ ತನ್ನ ಹಣ ಡಾಲರ್ ಅನ್ನು ವರ್ಲ್ಡ್ ರಿಸರ್ವ್ ಮನಿ ಎಂದು ಘೋಷಿಸುತ್ತದೆ. ಆಗಿನ ಕಾಲ ಘಟ್ಟದಲ್ಲಿ. ನಮ್ಮಲ್ಲಿ ಇರುವ ಅಮೇರಿಕ ಡಾಲರ್ ತೆಗೆದುಕೊಂಡು ಹೋಗಿ, ಅವರಿಗೆ ಕೊಟ್ಟರೆ ಅವರು ಅದರ ಬದಲಿಗೆ, ನಮಗೆ ಚಿನ್ನವನ್ನು ಕೊಡುತ್ತಿದ್ದರು. ಅಂದ್ರೆ ಗೋಲ್ಡ್ ಎಕ್ಸ್ಚೇಂಜ್ ರೀತಿ. ಜಗತ್ತಿನ ಬಹುತೇಕ ರಾಷ್ಟ್ರಗಳು. ಅಮೇರಿಕಾದ ಕರನ್ಸಿಯನ್ನು ಶೇಖರಿಸಲು ಶುರುವಿಟ್ಟವು ಚಿನ್ನದ ಶೇಖರಣೆಯ ಬದಲಿಗೆ. ಇದಾದ ಕೆಲವು ವರ್ಷಗಳ ನಂತರ
ವಿಯಟ್ನಾಂ ಯುದ್ಧದ ಬಳಿಕ. ಅಮೇರಿಕ ಮೇಲೆ ಜಗತ್ತಿನ ಬಹುತೇಕ ರಾಷ್ಟ್ರಗಳಿಗೆ ಸಣ್ಣದೊಂದು ಅನುಮಾನ ಮೊಳಕೆ ಇಡಲು ಶುರುವಾಯಿತು. ಅದೇನೆಂದರೆ, ಇವರು ತಮ್ಮಲ್ಲಿ ಇರುವ ಚಿನ್ನಕಿಂತಲೂ ಅಧಿಕ ಮೌಲ್ಯದ ಹಣವನ್ನು ಅಚ್ಚು ಹೊಡೆದು ಹಂಚುತ್ತಾ ಇದ್ದಾರೇನೋ ಎನ್ನುವುದು?
ಹಾಗಾಗಿ ಹಲವಾರು ರಾಷ್ಟಗಳು ತಮ್ಮಲ್ಲಿದ್ದ ಅಮೇರಿಕಾದ ಕರನ್ಸಿಯನ್ನು ಅಮೇರಿಕಗೆ ಕಳುಹಿಸಿ. ನಮಗೆ ಚಿನ್ನ ವಾಪಾಸ್ ಕೊಡಿ ಎಂದು ಕೇಳಿಕೊಂಡವು. ಅಮೇರಿಕ ತಾನು ಹೆಣೆದಿದ್ದ ಬಲೆಯಲ್ಲಿ ತಾನೇ ಸಿಕ್ಕಿ ಬಿತ್ತು. ಹೇಗೋ ತಮ್ಮಲ್ಲಿದ್ದ ಚಿನ್ನವನ್ನು ಕೊಟ್ಟು ಮ್ಯಾನೇಜ್ ಮಾಡಿದರೂ ಆದರೂ ಅದು ಸಾಲಾದಿದ್ದಾಗ. ಎಪ್ಪತ್ತರ ದಶಕದಲ್ಲಿ. ಅಮೇರಿಕದ ಅಧ್ಯಕ್ಷ್ಯ. ನಿಕ್ಸನ್. ಪತ್ರಿಕಾಗೋಷ್ಠಿ ಕರೆದು. ಡಾಲರ್ ಗೆ ಚಿನ್ನ ಎನ್ನುವ ವಹಿವಾಟನ್ನು ಕೆಲವು ತಿಂಗಳ ಮಟ್ಟಿಗೆ ತಾತ್ಕಾಲಿಕವಾಗಿ ನಿಲ್ಲಿಸುತ್ತೇವೆ ಎನ್ನುವುದನ್ನು ಘೋಷಿಸಿದರು. ಆದರೆ ಅದು ಹೆಸರಿಗಷ್ಟೇ ತಾತ್ಕಾಲಿಕ ವಾಸ್ತವದಲ್ಲಿ ಅದುವೇ ಶಾಶ್ವತ. ಅದಾದ ಮೇಲೆ ಜಗತ್ತಿನ ಮೇಲೆ ಹಣದಿಂದ ಹಿಡಿತ ಸಾಧಿಸಿದ್ದ ಅಮೇರಿಕ ಆ ಹಿಡಿತವನ್ನು ತಪ್ಪಿಸಿಕೊಂಡ ಕಾರಣ, ತನ್ನೊಳಗೆಯೇ ಬಹಳ ಮರುಗಿತು. ಇದಾದ ಮೇಲೆ ಅಮೇರಿಕಾದ ಸೆಕ್ರೆಟರಿ ಆಫ್ ದಿ ಸ್ಟೇಟ್, ಹೆನ್ರಿ ಎನ್ನುವವರು ಹೊಸದಾದ ಒಂದು ಯೋಚನೆಯನ್ನು ಅಮೇರಿಕಾದ ಅಧ್ಯಕ್ಷಯರ ಮುಂದೆ ತಂದಿಡುತ್ತಾರೆ ಅದುವೇ. ಪೆಟ್ರೋಡಾಲರ್ ಸಿಸ್ಟಮ್. ಅಂದ್ರೆ ಮಿಡಿಲ್ ಈಸ್ಟ್ ನಲ್ಲಿರುವ ರಾಷ್ಟ್ರಗಳ ಜೊತೆಗೆ ಒಂದು ಡೀಲ್ ಹಾಕುತ್ತಾರೆ. ನಿಮಗೆ ನಾವು ಮಿಲ್ಟ್ರಿ ಮತ್ತು ಫೋರ್ಸ್ ಕೊಡುತ್ತೇವೆ ನಿಮ್ಮ ತೈಲ ಬಾವಿಗಳನ್ನು ರಕ್ಷಿಸುವ ಹೊಣೆಯನ್ನು ನಾವು ಹೊರುತ್ತೇವೆ. ಅದಕ್ಕೆ ನಮಗೆ ನೀವು ಒಂದು ಸಹಾಯ ಮಾಡಬೇಕು ಎಂದು ಕೇಳಿಕೊಂಡಿತು. ಆ ರಾಷ್ಟಗಳು ಹೇಳಿ ಏನು ಸಹಾಯ ಎಂದು ಕೇಳಿದಕ್ಕೆ. ಇನ್ಮುಂದೆ ನಿಮ್ಮಲ್ಲಿರುವ ಪೆಟ್ರೋಲ್ ಮತ್ತು ಡೀಸಲ್ ಅನ್ನು ನೀವು ಬರೀ ಅಮೇರಿಕಾದ ಡಾಲರ್ ಗೆ ಮಾತ್ರವೇ ಮಾರಬೇಕು. ಎನ್ನುವ ನಿಬಂಧನೆಯನ್ನು ಮುಂದಿಟ್ಟಿತು ಅಮೇರಿಕ. ಜಸ್ಟ್ ಅವರ ಕರನ್ಸಿಯಲ್ಲಿ ನಮ್ಮ ವಸ್ತುವನ್ನು ಮಾರುವುದು ತಾನೇ. ಅವರೇನು ಕಮಿಷನ್ ಕೇಳುತ್ತಿಲ್ಲವಲ್ಲ. ಹೇಗೋ ನಮಗೂ ಅಕ್ಕಪಕ್ಕದ ದೇಶಗಳ ತೊಂದರೆ ಇವೆ. ಇವರ ರಕ್ಷಣೆ ಸಧ್ಯಕ್ಕೆ ನಮಗೆ ಬೇಕಿದೆ ಎಂದು ಯೋಚಿಸಿದ ಮಿಡಿಲ್ ಈಸ್ಟ್ ರಾಷ್ಟ್ರಗಳು ಆ ಡೀಲ್ ಗೆ ಒಪ್ಪುತ್ತವೆ. ಅಲ್ಲಿಂದ ಜಾಗತಿಕ ದೊಡ್ಡಣ್ಣ ನಾಗುವ ಅಮೇರಿಕಾದ ಕನಸಿಗೆ ದೊಡ್ಡದೊಂದು ರಕ್ಕೆ ಸಿಕ್ಕತಾಯಿತು. ಡಾಲರ್ ಬದಲಿಗೆ ಚಿನ್ನ ಎಂದರೂ ಸಹ ಒಬ್ಬರು ಎಷ್ಟು ತಾನೇ ಶೇಖರಿಸಿಕೊಳ್ಳಲು ಸಾಧ್ಯ. ಅದೇ ಪೆಟ್ರೋಲ್ ಡೀಸಲ್ ಎಂದರೆ. ಅದಿಲ್ಲದ ಜಗತ್ತೇ ತಿರುಗುವುದಿಲ್ಲ. ಇನ್ನು ಈ ಜಗತ್ತು ತಿರುಗಬೇಕಾದರೂ ನಮ್ಮ ಸಹಾಯ ಬೇಕೇ ಬೇಕು ಎಂದು ಅಮೇರಿಕ ತನ್ನೊಳಗೆ ಯೋಚಿಸಿತು. ಎಲ್ಲಾ ರಾಷ್ಟ್ರಗಳು ತೈಲಕ್ಕಾಗಿ ಹೋದಾಗ ಯಾವುದೇ ದೇಶದ ಹಣವನ್ನು ಮಿಡಿಲ್ ಈಸ್ಟ್ ರಾಷ್ಟ್ರಗಳು ಸ್ವೀಕರಿಸಲಿಲ್ಲ. ಕೊನೆಗೆ ಬೇರೆ ದಾರಿ ಇಲ್ಲದೆ ಎಲ್ಲಾ ರಾಷ್ಟ್ರಗಳು ತಮ್ಮಲ್ಲಿರುವ ಹಣವನ್ನು ಅಮೇರಿಕಾದ ಡಾಲರ್ ಗೆ ಬದಲಾಯಿಸಿಕೊಂಡವು. ಬದಲಾಯಿಸಿಕೊಳ್ಳುವಾಗ ಅದರಲ್ಲೂ ಕಮಿಷನ್ ಹಿಡಿಯುತ್ತ ಇದ್ದರು. ಹಾಗಾಗಿ ನೇರವಾಗಿ ಅಮೇರಿಕಾದೊಂದಿಗೆ ವ್ಯವಹಾರ ಇಟ್ಟುಕೊಂಡರೆ ಕಮಿಷನ್ ಇಂದ ತಪ್ಪಿಸಿಕೊಳ್ಳಬಹುದು ಎಂದು. ಎಲ್ಲ ರಾಷ್ಟ್ರಗಳು ಅಮೇರಿಕಾದ ಮುಂದೆ ಸಾಲಿನಲ್ಲಿ ನಿಂತವು. ಅಮೇರಿಕಾದ ಬೇರೆ ರಾಷ್ಟ್ರಗಳ ಹಣವನ್ನು ತೆಗೆದುಕೊಂಡು ತಮ್ಮ ಡಾಲರ್ ನೀಡುತ್ತ ಇದ್ದರು. ಇದಾದ ಮೇಲೆ ನಮಗೆ ನಿಮ್ಮ ಹಣ ಬೇಡ ಅದರ ಬದಲಿಗೆ ವಸ್ತುಗಳನ್ನು ನೀಡಿ ಎನ್ನುವ ಬೇಡಿಕೆ ಇಟ್ಟಿತು ಅಮೇರಿಕ. ಜಪಾನ್ ದೇಶ ಕಾರುಗಳನ್ನು ತಯಾರಿಸಿ ಮಾರಿದರು. ಜರ್ಮನಿ ವಿಮಾನಗಳನ್ನು ತಯಾರಿಸಿ ಮಾರಿದವು. ಹೀಗೆ ಅಮೇರಿಕಗೆ ಕೆಲಸ ಕಡಿಮೆಯಾಯಿತು. ಜಗತ್ತು ಅಮೇರಿಕಕ್ಕಾಗಿ ಹಗಲಿರುಳು ದುಡಿಯುತ್ತಿತ್ತು. ಅತ್ತ ಅಮೇರಿಕ ಪ್ರಿಂಟ್ ಪ್ರೆಸ್ ನಲ್ಲಿ ಡಾಲರ್ ಅನ್ನು ಅಚ್ಚಿಟ್ಟು. ಹಂಚುತ್ತಾ. ಜಗತ್ತಿನ ದೊಡ್ಡಣ್ಣನಾಯಿತು. ಅಮೇರಿಕಾದ ಖುಷಿಗೆ ಅಡ್ಡಲಾಗಿ ಯಾರೂ ಬರಲಿಲ್ಲವೇ ಎನ್ನುವ ಪ್ರಶ್ನೆ ನಿಮ್ಮಲ್ಲಿ ಏಳಬಹುದು. ಬಂದರು. ಅವರನ್ನು ಅವರು ಹೇಗೆ ಮಟ್ಟ ಹಾಕಿದರು ಎನ್ನುವುದೆಲ್ಲಾ ಬಹಳ ದೊಡ್ಡ ಕಥೆ. ಅದನ್ನು ಇನ್ನೊಮ್ಮೆ ಬರೆಯುವೆ.